Ár hvert er þriðji sunnudagur í nóvember skilgreindur sem alþjóðlegur minningardagur Sameinuðu þjóðanna um fórnarlömb umferðarslysa. Með því móti er verið að halda minningu þeirra í heiðri og hvetja fólk til að leiða hugann að þeirri ábyrgð sem það ber sem þátttakandi í umferðinni. Sérstök minningarathöfn fer fram við þyrlupall Landspítalans í Fossvogi sunnudaginn 19. nóvember nk. og hefst kl. 11. Að henni lokinni verður boðið upp á kaffi í bílageymslu bráðamóttökunnar. Allir eru velkomnir og fólk er hvatt til að mæta og sýna fórnarlömbum umferðarslysa hluttekningu og leiða einnig hugann að fórnfúsu starfi viðbragðsaðila.Nánar

Nú er runninn upp sá tími ársins þegar forvarnarsvið og varðlið slökkviliðsins heimsækja leikskóla á höfuðborgarsvæðinu til að fræða 5 ára börn um eldvarnir. Þessi fræðsla hefur án efa skilað sínu hvað forvarnir snertir, enda börnin mjög áhugasöm um eldvarnir heimilanna. Heimsóknirnar standa yfir alla virka daga frá 25. september – 20. október og hvetjum við foreldra til að nýta tækifærið og ræða flóttaleiðir við börnin, halda brunaæfingar heima og kanna hvort bæta þurfi við eldvarnir heimilisins eða laga þær sem fyrir eru, s.s. reykskynjara, slökkvitæki og eldvarnarteppi.  Nánar

Krakkar í Neistanum, félagi hjartveikra barna, komu í heimsókn á slökkvistöðina í tilefni þess að slökkviliðið mun styrkja Neistann í bæði WOW-Cyclothoninu og í Reykjavíkurmaraþoninu. Krakkarnir fengu að kynna sér starfsemi og búnað slökkviliðsins og höfðu gaman af.Nánar

Slökkvilið höfuðborgarsvæðisins bs. var með opið hús fyrir almenning laugardaginn 10. júní, til að kynna starfsemina. Á staðnum voru slökkvi- og sjúkrabílar, kranabíll og hoppukastalar. Ýmsar uppákomur voru í boði fyrir börnin sem skemmtu sér konunglega.    Nánar

Nýir starfsmenn slökkviliðsins fylgjast áhugasamir með þegar Gunnar Steinþórsson paramedic kennir þeim réttu handtökin. Stór hópur nýliða hefur nýlokið umfangsmikilli þjálfun í bæði slökkviliðs- og sjúkraþættinum og er nú reiðubúinn að fara inn á vaktir.Nánar

Starfsmannafélag slökkviliðsins færði Barnaspítala hringsins páskaegg að gjöf sem ekki gengu út í páskaeggjabingói fyrir starfsmenn. Því var að vonum vel tekið en hér taka starfsmenn spítalans við eggjunum sem færa átti börnunum.Nánar

112-dagurinn er haldinn árlega um allt land þann 11. febrúar og að þessu sinni verður fjölbreytt dagskrá í Hörpunni. Þar mun dómsmálaráðherra flytja ávarp, verðlaun veitt í Eldvarnargetrauninni og skyndihjálparmaður RKÍ útnefndur, svo eitthvað sé nefnt. Einnig munu viðbragðsaðilar sýna fjölbreyttan tækjakost, s.s. sjúkrabíla, björgunarbíla, björgunarbáta, vélsleða, lögreglubíla, slökkvibíl, mótorhjól og kafarabíl. Dagskráin hefst í Flóa í Hörpu kl. 15. Aðgangur er ókeypis og allir velkomnir.Nánar

Slökkviliðið hefur nú ráðið rúmlega 20 einstaklinga til framtíðarstarfa, en eins og kunnugt er auglýstum við eftir starfsmönnum í byrjun janúar. Umsækjendur þreyttu fjölmörg inntökupróf og tóku þátt í mjög krefjandi inntökuferli sem nú hefur skilað slökkviliðinu mjög hæfum hópi starfsmanna. Við þökkum öllum þeim sem sóttu um fyrir áhugann og hvetjum þá sem ekki fengu starf í þetta sinn til að sækja um aftur þegar við auglýsum.Nánar

Kynningarfundur slökkviliðsins sl. föstudag var vel sóttur en þar var umsækjendum gefinn kostur á að kynna sér starf SHS og fá nánari upplýsingar um inntökuferlið. Fundinum var jafnframt streymt og töluverður fjöldi nýtti sér það.Nánar

Slökkvilið höfuðborgarsvæðisins skrifaði í gær undir samkomulag með Reykjavíkurborg, lögreglunni á höfuðborgarsvæðinu og Samökum ferðaþjónuustunnar, fyrir hönd skemmtistaða í Reykjavík, um ofbeldislausa og örugga skemmtistaði í Reykjavík. Forsendur samkomulagsins eru að fosvarsmenn, rekstraraðilar og starfsfólk skemmtistaða, slökkviliðið, lögreglan og Reykjavíkurborg líti á sig sem samstarfsaðila með sameiginlega hagsmuni að leiðarljósi. Markmiðið er ofbeldislausir og öruggir skemmtistaðir í Reykjavík. Aðilar að samkomulaginu koma saman ársfjórðungslega og meta árangur samstarfsins en lögreglan boðar til fundanna. Í samkomulaginu koma fram aðgerðir ofangreindra aðila. Stefna Slökkviliðs höfuðborgarsvæðisins (aðgerðir) er: • Sjá til þess að sjúkraflutningamenn séu aðstoðaðir við störf sín, ekki síst svo þeir komist óáreittir til sjúklingsins, geti sinnt honumNánar