Starfsemin
Slökkvilið höfuðborgarsvæðisins (SHS) sinnir slökkvistarfi samkvæmt lögum um brunavarnir nr. 75/2000 en aðstoðar jafnframt önnur slökkvilið í landinu þegar eftir því er leitað.
Slökkviliðið er boðað út í fjölda útkalla ár hvert. Verkefnin eru mjög fjölbreytt og af öllum stærðargráðum. Fyrir utan boðanir í eld þá sinnir slökkviliðið fjölda björgunarstarfa. Þar má nefna árekstra, slys á vinnusvæðum, sjóbjörgun, óveðursútköll og björgun gæludýra.
Slökkviliðið sinnir einnig björgun eigna í vatnslekum, björgun umhverfis í umhverfisslysum, eiturefnaútköllum og ýmsum verkefnum sem krefjast sérhæfðs búnaðar og þekkingar slökkviliðsins.
Auk þess starfrækir slökkviliðið eldvarnareftirlit og sinnir ýmiskonar forvarnarstarfi.